1 қарашадағы жағдай бойынша Қазақстан халқының саны белгілі болды

ERNUR.KZ. Қазақстанда 2021 жылдың басынан бері халық саны 200 мыңнан аса адамға артты, деп жазады Tengrinews.kz.

2021 жылғы 1 қаңтардағы жағдай бойынша Қазақстанда ресми түрде 18 миллион 879 мың 552 адам тұрған. 1 қарашада халық саны 19 миллион 82 мың 467 адам болды. Жыл басынан бері өсім 202 915 адамға жетті. 10 айда табиғи өсім жоғары болды - 222 338 адам. Көші-қон көрсеткіштері төмендеді. Жыл басынан бері елден басқа жаққа 19 423 адам тұрақты тұруға кетті.

Халықтың ең көп өсуі Нұр-Сұлтан (+44 411 немесе 3,75 пайыз), Алматы (+38 959 немесе 1,97 пайыз) және Шымкент (+32 655 немесе 3,04 пайыз) қалаларында байқалады. 1 қарашадағы жағдай бойынша елордада ресми түрде 1 миллион 228,8 мың адам, Алматыда - 2 миллион 16,2 мың адам, Шымкентте - 1 миллион 107,1 мың адам тұрады.

Халық саны сегіз облыста да өсті. Алты өңірде халық азайды - Ақтөбе (-753), Шығыс Қазақстан (-5 812), Қарағанды (-3 475), Қостанай (-5 481), Павлодар (-2 948) және Солтүстік Қазақстан (-5 115) облыстары.

Қала халқының саны 167 967 адамға өсіп, 11 миллион 319,3 мың адам боды. Ауыл халқының саны 34 948 адамға өсіп, 7 миллион 763,1 мың адам болды. Ауыл халқының көші-қоны азайды, жыл басынан бері 64 868 адам ауылдан кетті.