Отбасылық-тұрмыстық зорлық-зомбылықтың алдын алуға үкіметтік емес ұйымдардың әлеуетін пайдалану қажет.
ERNUR.KZ. Бұл туралы ішкі істер министрлігі әкімшілік полиция комитеті төрағасының орынбасары Алексей Милюк айтты, деп жазады inbusiness.kz.
«Үкіметтік емес ұйымдар тұрмыстық зорлық-зомбылық құрбандарына баспана береді, құқықтық, медициналық, әлеуметтік, сондай-ақ психологиялық көмек көрсетеді. Бүгінгі таңда 49 дағдарыс орталығы полициямен өзара әрекеттеседі, олардың 39-да жәбірленушілерді уақытша тұратын баспанамен қамту мүмкіндігі бар», – деді әкімшілік полиция комитеті төрағасының орынбасары.
Алексей Милюктің мәлімдеуінше, үкіметтік емес ұйымдардың қызметін пайдалануға тұрмыстық зорлық-зомбылық құрбандары өз беттерінше немесе полиция қызметкерлерінің көмегімен жүгіне алады.
«Биыл полиция қызметкерлері өмірдің қиын жағдайына тап болған 3 мыңнан астам әйелді дағдарыс орталығына жіберді. Байланыс дерегі көрсетілген орталықтардың тізімі министрліктің және аумақтық полиция департаменттерінің ведомстволық ақпараттық ресурстарында орналастырылған», – деді ішкі істер министрлігінің өкілі.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
