6 жыл бұрын жоғалып кеткен астаналық азамат табылды

ERNUR.KZ. Полицейлер Ақмола облысы аумағынан 6 жыл бұрын жоғалып кеткен астаналық ер адамды тапты, деп жазады BAQ.KZ.

Ведомствоның баспасөз қызметі таратқан ақпарат бойынша, Қорғалжын аудандық полиция бөлімінің учаскелік полиция инспекторы Шалқар ауылында жедел іздестіру шараларын жүргізу барысында 40 жастағы елордалықты анықтаған.

“2018 жылғы 8 шілдеде Астана полициясына ер адамның әпкесі өтінішпен жүгінген. Әйел ағасы үйден шығып кетіп, оралмағанын айтқан,” - деп хабарлады Ақмола облысы полиция департаментінің өкілдері.

Жоғалған адамды іздеуге елордалық полицейлер ғана емес, облыстық полицейлер де жұмылдырылған. Жоғалған ер адам елорда маңынан және басқа облыстардан іздестірілген. Ұзақ іздеуден кейін оған мемлекетаралық іздеу жарияланды. Қабылданған шаралардың нәтижесінде ер адам Қорғалжын ауданындағы жеке үйлердің бірінен табылды. Ол бұл ауданға бірнеше ай бұрын келген екен.

“Қазір оның ұзақ уақыт болмауының себептері анықталып жатыр, - деп мәлімдеді полиция департаментінің өкілдері.