Абай облысына екі қала және 9 аудан кіреді

ERNUR.KZ. Бұл туралы ШҚО әкімі Даниал Ахметов хабарлады, деп жазады inbusiness.kz.

"Абай облысына екі қала – Семей мен Курчатов және 9 аудан кіреді, ауданы 638,3 мың халқы бар 185,5 мың шаршы километрді құрайды. ШҚО құрамына Өскемен және Риддер қалалары, сондай-ақ 8 аудан, өңірдің ауданы – 97,8 мың шаршы км, халқы – 717,6 мың адам кіреді", – деп жазды әкім әлеуметтік желідегі парақшасында.

Айтуынша, соңғы жылдары Семейдің дамуына үлкен қаражат (республикалық бюджеттен 250 млрд теңге және облыстық бюджеттен 153 млрд теңге) салынған. Тұрғын үй құрылысы, инженерлік-коммуналдық және жол-көлік инфрақұрылымы, білім беру және денсаулық сақтау салаларында бірқатар ірі жобалар іске асырылған.

"Семейді дамытудың кешенді жоспарын жүзеге асыруға 260 млрд теңге қарастырылған, алдағы төрт жылға бірқатар ірі және маңызды жобаларға ЖСҚ дайын. Абай облысының құрамына екі ірі кәсіпорын кіреді – Ақтоғай және Бақыршық. Мен Семей Қазақстанның мәдени-тарихи орталығы мәртебесін сақтап қана қоймай, бүкіл облыс табысты дамитынына сенімдімін", – деп жазды Ахметов.