Жазда орман отқа оранғанда 20-ға жуық өрт сөндіру машинасы істен шыққан.
ERNUR.KZ. "Семей орманы" табиғи резерватының автопаркі жаңа техникалармен толықты. Шағын өрт сөндіру кешені саналатын, жол талғамайтын 14 "УАЗ" автокөлігі орман шаруашылықтарына табыс етілді, деп жазады 24.kz.
Жазда 63 мың гектар қарағайлы орман отқа оранғанда 20-ға жуық өрт сөндіру машинасы істен шыққан еді. Сол кезде табиғи резерваттағы көліктердің 40%-тен астамы тозып тұрғаны айтылған болатын. Осы мәселені шешу үшін мемлекеттен 1 миллиард 400 миллион теңге қаржы бөлінген. Орманшыларды көлікпен қамтамасыз ету келер жылы да жалғасады.
"Мына техниканың ерекшелігі, ең бірінші, жылдамдығы. Өрттің 97%-і найзағайдан болады. Найзағай түсе қалғанда жылдам шығып, жылдам өшіретін техникамен жабдықталған. Осындай көлік болған. Бірақ өте аз болды, 6 көлік қана болды. Қазір, міне, келіп жатыр", - дейді "Семей орманы" табиғи резерваты бас директорының орынбасары Ғани Алпысшалов.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
