Барлық зардап шеккендерге медициналық көмек көрсетілген.
ERNUR.KZ. Абай облысында Алакөл-Семей тас жолында жолаушылар мінген автобус аударылды. Салдарынан жүргізуші ауруханаға жеткізілді, деп жазады Stan.kz.
Жол апаты 19 маусымда 04:50-де болған.
"Алакөл-Семей бағытындағы Setra-S маркалы рейстік автобустың 56 жастағы жүргізушісі тізгінге ие бола алмай, жолдан шығып кеткен. Салдарынан 13 жолаушысы бар автобус аударылып қалды. Автобус Семей, Жарма ауданына бара жатқан", – делінген полиция департаментінің хабарламасында.
Барлық зардап шеккендерге медициналық көмек көрсетілген, ал жүргізушісі ауруханаға жатқызылған.
Қазір құқық қорғау органдары Қылмыстық кодекстің 345-бабы, 2-бөлігі "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бойынша сотқа дейінгі тергеу бастаған.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
