Абай облысындағы орман өрті: оқиға орнына төтенше жағдайлар вице-министрі барды

0
490

Тәулігіне 2 тікұшақпен барлығы 59 157,5 тонна су төгілді.


Абай облысындағы орман өрті: оқиға орнына төтенше жағдайлар вице-министрі барды

ERNUR.KZ. Абай облысындағы өрт орнына төтенше жағдайлар вице-министрі генерал-майор Марат Күлдіков барды, деп жазады sputnik.kz.

Еске сала кетейік, 22 мамырда сағат 15:25-те Абай облысының Бородулиха ауданында Ауыл станциясынан 7 км қашықтықта құрғақ шөп тұтанып, кейіннен "Семей Орманы" резерваты аумағына көшті. Өрттің жалпы аумағы 1500 Га. Орман алқабында құрғақ шөп жанып жатыр.
"Елді мекендерге төнген қауіпке байланысты Березовка шипажайы мен Березовка подхозынан 277 адам өз бетінше туыстарына эвакуацияланды", - деп толықтырды ТЖМ.
Орман өртін сөндіруге барлығы 109 бірлік техника (оның ішінде 1 өрт пойызы) және 2 тікұшақ, сондай-ақ 434 адам жұмылдырылды.
Тәулігіне 2 тікұшақпен барлығы 59 157,5 тонна су төгілді.