Қызыл кітапқа енген жануарлар әдетте көктемде есептеледі. Бірақ биыл төтенше жағдайға байланысты киіктерді санау күзде жүргізілетін болды.
ERNUR.KZ. Қазақстанның экология, геология және табиғи ресурстар министрі Мағзұм Мырзағалиев твиттер-аккаунтында жаңа туған ақбөкендердің суреттерімен бөлісті, деп жазады Sputnik Қазақстан.
"Табиғат ештеңеге қарамастан өз заңдарымен өмір сүріп жатыр. Қазақ даласында бірнеше күннен бері ақбөкендер төлдей бастады. Әдетте, мамыр айының басынан бірнеше аптаға созылатын төлдеу кезеңі әлі аяқталған жоқ", – деп жазды министр.
Мағзұм Мырзағалиев Қызыл кітапқа енгізілген жануарлардың саны өткен жылы 335 мың болғанын айтты. Төтенше жағдай кезінде ұшуды тоқтатуға байланысты ақбөкендерді әуеден бақылап, көктемгі есепке алу жүргізілмейді. Санақ күзде жүргізіледі деп жоспарланған.
Надеюсь, природа будет благосклонна к "степным антилопам" и их популяция приумножится в наших краях.
— Magzum Mirzagaliev (@MirzagalievKZ) May 11, 2020
На фотографиях новорожденные сайгачата из Акмолинской области pic.twitter.com/kjta8AfVAu
"Қазір ақбөкендердің төлдеу мен көшу жерлерін инспекторлар қатаң күзетке алған. Сондай-ақ, браконьерліктің алдын алу мақсатында құқық қорғау органдарымен бірге кең ауқымды "Ақбөкен" акциясы жүргізілуде. Жануарлардың жағдайын мамандарымыз мұқият назарда ұстап отыр", – деді Мырзағалиев.
Қазақстанда ондаған жылдан бері ақбөкен популяциясын сақтау үшін күрес жүргізіліп келді. Тіпті бір уақытта олардың саны 22 мыңға әрең жетті.
2015 жылы ақбөкендердің жартысына жуығы – 132 000 бас қырылып қалды.
2019 жылы инспектор Ерлан Нұрғалиевтің браконьерлер қолынан қаза табуы республика жұртшылығын дүр сілкіндірді. Кейіннен қорықшыны өлтірген үш қылмыскер өмір бойына бас бостандығынан айырылды.
Ал Ерлан Нұрғалиевтің жаңа туған ақбөкенді көтеріп түскен фотосуреті Қарағандыдағы тұрғын үйдің қабырғасына салынды.
![](/assets/thumbnails/af/af0c83bad496dfbd5531c69edad783ab.jpg ""Байдың қызын алмағанына ренжіп, он жыл бойы қорлап келген" - шымкенттік келіннің шері")
