Ақтауда қырылған аққулардың саны 600-ден асты

Ведомство басшысы Ғаббас Досатовтың айтуынша, өлген құстардың саны туралы ақпарат күн сайын жаңарып отыр.

"2023 жылғы 21 желтоқсанда Қаракөл көлінде аққулар өлгені туралы алғашқы хабарлама келіп түсті. 6 қаңтардағы жағдай бойынша біз 601 аққу өлгенін анықтадық. Қырылған аққулардың 90%-тен астамы – жас төлдер", - деді Ғаббас Досатов аймақ басшысы Нұрлан Ноғаевтың төрағалығымен өткен аппараттық кеңесте.

Бастапқы сынақтардың нәтижелері аққулардың құс тұмаужан өлуі мүмкін екенін анықтады.

"H5N1 азиялық штаммы табылды. Бұл вирус адамдар қауіпті емес, құстарға көбірек әсер етеді, ал басқа жануарлар оны симптомсыз алып жүреді", - деді ауыл шаруашылығы министрлігі ветеринариялық бақылау және қадағалау комитетінің облыстық аумақтық инспекциясының басшысы Темірбек Нұртазин.

Маманның айтуынша, облыстың ветеринарлық қызметтер жеке қосалқы шаруашылықтардағы үй құстары арасындағы эпизоотиялық жағдайға күнделікті мониторинг жүргізіп жатыр.

Өңір басшысы құстардың өліміне қатысты жағдай егжей-тегжейлі тергеуді қажет ететінін айтты.

"Экологтар мен құзыретті мамандар проблеманың көзін бірге тауып, бұл жағдай ары қарай тарап кетпес үшін шаралар қабылдауы керек", - деп тапсырды Нұрлан Ноғаев.

Қаракөл көлі Қазақстанның қорғалатын орнитологиялық орындарының бірі, мұнда ондаған мың құс қыстайды. Бір жыл ішінде құстардың 80-нен астам түрі қоныс аударады, олардың ішінде аққулар мен бүркіттер де бар. Бұл сулы-батпақты алқапта жылдың әр мезгілінде суда жүзетін және су маңындағы құстардың 175 түрі, оның ішінде Қазақстанның Қызыл кітабына енгізілген құстардың 21 түрі мекендейді.

Еске сала кетейік, кеше 500-ден астам аққу қырылғаны айтылған болатын. Ол кезде мамандар құстар аштықтан өлді деген болжам айтып, демеушілерден көмек сұрады.