Қайғылы оқиға "Батыр" спорт кешенінде NOMAD MMA бойынша балалар, жасөспірімдер, жастар және ересектер арасындағы облыстық чемпионат кезінде орын алды.
ERNUR.KZ. Әлеуметтік желіде қайтыс болған спортшының қарсыласымен жекпе-жегінен бейнежазба тарады. The Nomad MMA федерациясы Маңғыстау облысының хабарлауынша, жекпе-жек кезінде 17 жастағы спортшы қарсыласының соққысынан құлаған, деп жазады inbusiness.kz.
"NOMAD MMA бойынша облыстық чемпионатқа қатысушылардың бірі қайтыс болғанын қайғыра хабарлаймыз. Жекпе-жек кезінде 17 жастағы спортшы құлады. Спортшыға алғашқы көмекті "Батыр" спорт кешенінің медициналық қызметкерлері көрсетті, оқиға орнына жедел жәрдем келді, бірақ, өкінішке орай, жас жігітті құтқара алмады. Турнир басталмас бұрын жаттықтырушы өтінім берген кезде қатысушының жарысқа дайындығын растайтын медициналық анықтама берді. Қазіргі уақытта тергеу жүріп жатыр, оның шеңберінде құзыретті органдар болған оқиғаның барлық мән-жайларын зерттеп жатыр", - деп хабарлады федерация өкілдері.
Nomad MMA-қазақстандық аралас жекпе-жек стиліндегі спорт түрі, онда жауынгерлер қолдарымен және аяқтарымен соққы техникасын, сондай-ақ күрес техникасын пайдалана отырып, толық байланыста жарысады. Турнирге 300-ге жуық спортшы қатысты.
Қазіргі кезде сот-медициналық сараптама тағайындалды. Бұл факті Ақтау ҚПБ ҚР ҚК 104-бабы 1-бөлігі бойынша тіркелді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
