Ақтөбе облысын дамытуға бюджеттен 150 млрд теңге бөлінді - Әлихан Смайылов

14.05.2022 11:02

546

Жиын қорытындысы бойынша Үкімет басшысы әкімге тапсырмаларын жүктеді.

Жұмыс сапарымен Ақтөбе облысына барған премьер-синистрі Әлихан Смайылов өңірдің кешенді әлеуметтік-экономикалық дамуы жөнінде кеңес өткізді, деп хабарлайды ERNUR.KZ. primeminister.kz сайтына сілтеме жасап.

Жиын қорытындысы бойынша Үкімет басшысы әкімге тапсырмаларын жүктеді.

ҚР премьер-министрі Ақтөбе облысы еліміздің маңызды өнеркәсіптік және аграрлық өңірлерінің бірі екенін атап өтті. Мұнда мұнай өңдеу, құрылыс және азық-түлік өнімдері өндірісі белсенді түрде дамып келеді. 2022 жылы республикалық бюджеттің нақтылануын ескере отырып, өңірді дамытуға 150 ммиллиард теңгеден астам қаражат бөлінді

"Бұл қаражат жолдарды жөндеуге және реконструкциялауға, газ тасымалдау жүйесін дамытуға, тұрғын үй құрылысына, ТКШ және коммуналдық шаруашылық саласындағы іс-шараларға, денсаулық сақтауды, агроөнеркәсіптік кешенді қолдауға жұмсалады",— деді премьер-министр.

Ол азық-түлік бағасының негізсіз өсуіне жол бермеу үшін азық-түлік тапшылығының алдын алу және сауда үстемесін бақылау бойынша жоспарға сай жұмыс жүргізу қажет екенін атап өтті. Сонымен қатар, облыс әкімдігі еліміздің оңтүстік аймақтары мен көрші елдердің дихандарымен ерте пісетін көкөністерді жеткізуге тікелей келісімшарттарға отырып, сауда желілерімен жұмыс істеу кезінде "айналым схемасы" механизмін кеңінен қолдануы қажет. Жалпы, ауыл шаруашылығы өнімдерін жеткізу үшін жүйелі түрде форвардтық шарттар жасасуы керек.

"Өңірдің экономикасын әртараптандыруға байланысты жалпы құны 90 миллиард теңге болатын 30 жобаны іске қосу жоспарланып отыр. Соның арқасында жаңа өндірістік қуат пайда болып, тұрақты жұмыс орындары құрылады. Аталған жұмысты жалғастыру керек",— деді Әлихан Смайылов.

Одан бөлек, Ақтөбе қаласында магистралды газ құбырының үшінші желісінің құрылысын қаржыландыру, мұнай саласында жұмыс істеп жүрген қызметкерлердің еңбекақысын арттыру, тиісті қаржыландырумен "Ақтөбенің кәріз жүйелерін реконструкциялау" жобасын бірінші кезекте іске асырылатын жобалар тізбесіне қосу, өңірді дамытудың кешенді жоспарын және жоспарланған инвестициялық жобаларды сапалы іске асыруды қамтамасыз ету мәселелерін қарастыруды тапсырды.

"Облыс басшылығының алдында үлкен жауапты істер тұр, олардың жүзеге асырылуы өңірдің әлеуметтік-экономикалық дамуына жаңа серпін беріп, жергілікті халықтың тұрмыс деңгейін арттыруға ықпал етеді",— деді Үкімет басшысы.