Алматы - Дели әуе рейсі 16 желтоқсанда қайта ашылады

ERNUR.KZ. Қазақстан Алматы - Делидің тұрақты рейстерін аптасына үш рет жиілікпен қайта бастайды, деп жазады Kaz.tengritravel.kz.

Қазақстандық "Эйр Астана" әуе тасымалдаушысы 16 желтоқсаннан бастап Үндістан астанасына тұрақты рейстерді қайта бастайды. Рейс аптасына үш рет сейсенбі, бейсенбі және сенбі күндері Airbus A320 ұшақтарында орындалады. Алматыдан ұшақ сағат 07.50-де ұшып, Делиге сағат 11.10-да қонады. Делиден кері рейс сағат 12.20-да шығып, Алматыға сағат 16.40-та келеді.

Бір бағыттағы рейстің ұзақтығы - үш сағат 50 минут. Әуежай, отын және басқа да алымдарды қоса алғанда, екі жаққа да эконом-класс билеттерінің құны 234 755 теңгеден, бизнес-класта 453 419 теңгеден басталады.

Делиге ұшатын барлық жолаушы, соның ішінде балалар, newdelhiairport порталындағы нысанды толтыруы керек, сондай-ақ, бес жастан асқан жолаушылар да келуден 72 сағат бұрын жасалған COVID-19 анықтайтын ПТР-тестінің теріс нәтижесін жүктеуі керек. Бұдан басқа, жөнелтуші елдегі әуекемесіне қонар алдында және ұшып келгеннен кейін әрбір жолаушы термометрия рәсімінен өтуі тиіс. Егер саяхатшыда коронавирус инфекциясының белгілері анықталса, ол медициналық мекемеге оқшаулануға жіберіледі.

Вакцина алмаған немесе ішінара вакцина алған туристер Үндістанға келген кезде COVID-19 тестін тапсырып, жеті күндік үй карантинінен өтіп, келгеннен кейінгі сегізінші күні ПТР-тестін тапсыруы керек. Толық вакцина салдырған жолаушылар бұл талаптардан босатылады.

Киев, Бішкек, Ыстамбұл, Тбилиси және Бакуден келетін жолаушыларға транзиттік рейстер ұсынылады.

Бұған дейін ҚР ИДМ Азаматтық авиация комитеті ВАК шешімімен Қазақстаннан Үндістанға тұрақты әуе рейстерді қайта бастауға рұқсат етілгенін хабарлаған болатын.