Алматы облысындағы колония басшысының орынбасары ұсталды

14.11.2024 09:25

205

Фото ©️ Tengrinews.kz / Турар Казангапов

ERNUR.KZ. Алматыда Алматы облысы бойынша қылмыстық атқару жүйесі департаментіне қарасты №14 мекеме басшысының орынбасары ұсталды, деп жазады tengrinews.kz.

Бұл туралы облыстық прокуратураның баспасөз қызметі ресми түсінік берді.

"2024 жылғы 13 қарашада Алматы облысы прокуратурасының Алматы бойынша сотқа дейінгі тергеп-тексеру басқармасы Алматы облысы бойынша қылмыстық-атқару жүйесі басқармасының №14 мекемесі басшысының орынбасарын бірнеше рет пара алды деген күдікпен ұстады", - делінген баспасөз хабарламасында.

Қылмыстық іс аясында оқиғаның барлық мән-жайды анықтау үшін қажетті тергеу әрекеттері жүргізіліп жатыр.