Алматыда қызымен ұрсысып қалған сарбаз әскерден қашты

иллюстрациялық фото

ERNUR.KZ. Алматыда ҚР Ұлттық гвардиясының әскери бөлімінің жауынгері қызымен ұрсысып қалып, әскерден қашып кетті, деп жазады zakon.kz.

"10 тамызда біз Түрген ауылының тұрғындарына көмекке жүгіндік. Иә, бөлімді рұқсатсыз тастап кету фактісі орын алды", - дейді №6654 әскери бөлімі командирінің тәрбие және әлеуметтік-құқықтық жұмыстар жөніндегі орынбасары Жандос Құлбаев.

Оның айтуынша, сарбаз 11 тамызда сағат 02:00-де табылған.

"Біз қашқын сарбазды жарнаманың арқасында ұстадық. Оның қашып кетуіне сүйіктісімен ұрсысып, соған тез жетуі үшін шешім қабылдауы себеп болды. Ол Атырауға кеткісі келген. Оған қатаң сөгіс жарияланды", - деді Жандос Құлбаев.