Жолаққа енді кірген едік, жарылыс болды, дейді видео авторы.
Желіде Алматыда ұшақ құлады деген хабар тарап жатыр, деп жазады Tengrinews.kz.
Куәгерлердің айтуынша, оқиға әуежай маңындағы Қызылту ауылының маңында болған. Апат кадрлары Желіде пайда болды.
Алматы әуежайының баспасөз қызметінің мәліметінше, әскери ұшақ құлаған.
"Алдын ала ақпарат бойынша, Алматыда қону кезінде ҰҚК-ның "Нұр-Сұлтан-Алматы" бағыты бойынша ұшып келген АН-26 әскери ұшағы құлады. Бортта 6 адам болған.
Қаза болғандар туралы ақпарат жоқ. Сағат 17:20 шамасында байланыс үзілді. Бірден дабыл жарияланды. Біздің барлық қызмет сол жерге аттанды. Ұшақ жолаққа жетпестен құлап түсті", - деді баспасөз қызметіндегілер.
Оқиғаның мән-жайы анықталып жатыр.
Кадрларда ұшақтың түтіндеп жатқан сынықтары көрінеді. Айналасында өртсөндірушілер мен жедел жәрдем жұмыс істеп жатыр.
"Жолаққа енді кірген едік, жарылыс болды", - дейді видео авторы.
