Алматының әкімі шымкенттіктерді мақтап, қолдау көрсетті (фото)

ERNUR.KZ Алматы қаласында қоғамдық көліктің жүру бағыттары артуда. Шаһар басшысы Бауыржан Байбек №65 бағытпен жүретін жаңа автобустармен танысып шықты деп хабарлайды NUR.KZ.

Аталған бағытқа Евро-5 экологиялық классына сәйкес келетін жаңа үлгідегі 20 автобус берілген.

Барлық қоғамдық көлік жүргізушілеріне бірдей форма сатып алыныпты.

Олар әкімге 160-200 мың аралығында айлық алатындарын жеткізген.

Сондай-ақ, жүргізушілердің көбісі басқа қаладан келгендерін алға тартыпты.

"Бұл жерде тұрғанның көбісі шымкенттіктер. Қолды қусырып қарап отыруға болмайды. Қорықпай жұмыс жасау - бұл мақтауға тұрарлық іс. Біз осындай адамдарға тек қолдау көрсетеміз", - деді Бауыржан Байбек.