Жәбір көрген әйел Шораевпен бірге тұратын болып шықты.
ERNUR.KZ. Астанада ер адамның әйелді көшеде шашынан сүйреп, ұрып жатқан видеосы бейнебақылау камерасына түсіп қалған. Kozachkov offside телеграм-арнасы видеодағы агрессор танымал қоғам қайраткері Арман Шораев екенін жазды, деп жазады azattyq-ruhy.kz.
Оқиға жақында Астанада болған.
Кадрдан байқағанымыздай, ер адам көшеде көлікке мініп кетпек болған әйелді сабай бастайды. Ол жәбірленушіні шашынан сүйреп, жерге лақтырады, ұрып-соғады.
«Оқиға орнына келген полицейлер жанжалға қатысқандардың кім екенін анықтады. Видеодағы ер адам белгілі қоғам қайраткері Арман Шораев болып шықты», - деп жазды Kozachkov offside.
Таяқ жеген әйел Шораевпен бірге тұрады. Ол Шораевтың үстінен арызданудан бас тартқан, ешқандай шағымы жоқ екенін айтқан.
