Мұндай шешімге Әзербайжанмен шекарадағы жағдай себеп болған.
ERNUR.KZ. Ереван Қазақстанда 26 қыркүйек пен 8 қазан аралығында өтетін Ұжымдық қауіпсіздік туралы шарт ұйымының (ҰҚШҰ) Ұжымдық жедел ден қою күштерінің оқу-жаттығуларына қатысудан бас тартты. Бұл туралы Армения Қорғаныс министрлігі хабарлады, деп жазады inbusiness.kz.
"Әзербайжан тарапынан көрсетілген агрессия нәтижесінде армян-әзербайжан шекарасында туындаған жағдайға байланысты Қорғаныс Министрлігі Армения Республикасының Қарулы күштерінің алдына қойған міндеттерін негізге ала отырып, ҰҚШҰ шеңберінде Қазақстан Республикасында өткізілетін оқу-жаттығуларға қатысудан бас тарту туралы шешім қабылдады", – деп мәлімдеді ведомствода.
