Астанада 5-ші Дүниежүзілік көшпенділер ойындарына арналған өңірлер шеруі өтті

0
604

Керуеннің басты міндеті – өңірлерден елордаға ойындар тарихының ажырамас бөлігі болып саналатын қасиетті суды ойындардың ашылу салтанатына жеткізу.


Астанада 5-ші Дүниежүзілік көшпенділер ойындарына арналған өңірлер шеруі өтті

ERNUR.KZ. Астанада Қазақстанның 20 өңірінен 200-ден астам өкілдің қатысуымен «Бірлік керуені» атты ауқымды іс-шара өтті. Спортшылардан, батырлардан және қоғам қайраткерлерінен құралған керуен әр өңірдің дәстүрлі стилінде безендіріліп, шеру жасады, деп жазды inform.kz.

Керуеннің басты міндеті – өңірлерден елордаға ойындар тарихының ажырамас бөлігі болып саналатын қасиетті суды ойындардың ашылу салтанатына жеткізу. «Бірлік керуені» 5-ші Дүниежүзілік көшпенділер ойындарының ашылу салтанатының басты киелі элементі ретінде қасиетті суды пайдалану дәстүрін жалғастырады.

Сағат 16.00-ден бастап ЭКСПО аумағында елорда тұрғындары мен қонақтары алдында ди-джей өнер көрсетіп, интерактивті ойындар өткізілді. Одан әрі сағат 17.00-де театрландырылған бағдарламамен және 20 өңірден келген өкілдердің шеруі арқылы ресми ашылу өтті.
Қатысушылар мен көрермендер алдында Астана әкімі Жеңіс Қасымбек пен ҚР Спорт және туризм министрі Ербол Мырзабосынов құттықтау сөз сөйледі.

Іс-шара барысында керуен еліміздің барлық өңірінен жиналған қасиетті суды Астанаға жеткізді. Бұл су Қазақстан халқының ортақ күші мен бірлігін білдіреді. Шеруді шығармашылық ұжымдар мен қазақстандық эстрада жұлдыздары жалғастырды.

Іс-шара барысында «Royal beats» барабаншылар ансамблі, «Жошы» тобы, сондай-ақ Aro, Қуандық Рахым, Маржан Арапбаева, Ғазизхан Шекербек, Ақбота Керімбекова, Ayree, Мирас Жүгінісов және «Бәйтерек» тобы секілді өнер иелері концерт өткізді. Фото:

Іс-шара ЭКСПО аумағында өтті.

Естеріңізге сала кетейік, осыған дейін еліміздің әр өңірінің киелі саналатын бұлақ көзінен торсық толы су жиналған болатын. Дәл осы су 5-ші Дүниежүзілік көшпенділер ойындарының ашылу салтанатының негізгі элементі болмақ.
Айта кетейік, 5-ші Дүниежүзілік көшпенділер ойындары Астанада 8-13 қыркүйек аралығында өтеді. Оған әлемнің 89 елінен 2500-ден астам адам қатысады.