Астанадағы көшеге бұрынғы премьер-министрдің есімі беріледі

17.08.2023 14:57

1 657

Нұрлан Балғымбаев 1997-1999 жылдары Қазақстанның премьер-министрі лауазымын атқарған.

ERNUR.KZ. Бұрынғы премьер-министр және мемлекет қайраткері Нұрлан Балғымбаевтың есімі Астанадағы көшеге беріледі, деп жазады tengrinews.kz.

Мемлекет қайраткерінің есімі Түркістан көшесінен басталып, Ұлы Дала көшесінде аяқталатын нөмірі № 29/1 атаусыз көшеге беріледі. Бұл шешім Астананың ономастика комиссиясының отырысында қабылданған.

"Нұрлан Балғымбаев - қазіргі заманғы талаптарға сәйкес елдің мұнай және газ өнеркәсібін дамыту, қазба байлықтарды тиімді игеру және халық игілігі үшін ірі жобаларды құрудың бастамашысы болды", - делінген хабарламада.

Айта кетейік, Нұрлан Балғымбаев 1997-1999 жылдары Қазақстанның премьер-министрі лауазымын атқарған. Кейін "Қазақойл "Ұлттық мұнай-газ компаниясы" ЖАҚ және "Қазақстандық мұнай инвестициялық компаниясы"АҚ президенті болды.

2009 жылға дейін Нұрлан Балғымбаев Қазақстанның Тұңғыш Президентінің кеңесшісі болды. Содан кейін итальяндық Eni мұнай-газ компаниясымен жобаларды жүзеге асыру жөніндегі ұйымның Бас директоры лауазымына тағайындалды. Қазақстанның экс-премьер-министрі 2015 жылдың қазан айында қайтыс болған еді.