"Бәйтерек" холдингі "Сбербанк Қазақстанды" сатып алды

ERNUR.KZ. "Бәйтерек" ұлттық басқарушы холдингі мен Сбербанк тобы Сбердің Қазақстандағы еншілес банкі ("Сбербанк" АҚ ЕБ) акцияларының барлық пакетін сатып алу-сату мәмілесін жасасуды аяқтады, деп жазады tengrinews.kz.

Мәміле өзара қолайлы қаржылық шарттармен жасалғаны және барлық қажетті реттеушілік мақұлдаулардан өткені айтылды.

"Банк өз клиенттері алдындағы барлық міндеттемесін орындауды жалғастырады, бұрынғы клиенттері үшін банк өнімдері бойынша барлық шарт өзгеріссіз қалады.
"Бәйтерек" холдингі елдің қаржы жүйесі үшін банктің маңызы жоғары деп есептейді. Сбербанк Қазақстанның заманауи инфрақұрылымы мен технологиялары ел экономикасының нақты секторын қаржыландыруды жалғастыруға және қызметті толыққанды жүргізуге мүмкіндік береді", - делінген хабарламада.

"Бәйтерек" холдингі банктің үздіксіз жұмысын қамтамасыз етуге және банктің бұрынғы, сондай-ақ жаңа клиенттеріне арналған банк қызметтерін дамыту және жетілдіру үшін қолайлы жағдай жасауға ұмтылады", - делінген хабарламада.