Қазақстан президенті Қасым-Жомарт Тоқаев бір жылдың ішінде қауіпсіз атом энергетикасын дамыту мүмкіндігін жан-жақты зерделеп шығуды тапсырған болатын.
ERNUR.KZ. Үш жылдық бюджетте атом электр станциясын салуға қаражат қарастырылмаған. Бұл туралы энергетика вице-министрі Жұмабай Қарағаев айтты, деп жазады sputnik.kz.
"Атом электр станциясының құрылысына қажетті қаражат енгізілді ме, жоқ па деген сұраққа келетін болсақ, республикалық бюджеттің жобасында ол ақша қарастырылмаған", - деді Қарағаев мәжілісте үш жылдық бюджетті таныстыру кезінде.
Оның айтуынша, үкімет қауіпсіз экологиялық атом энергетикасын дамытуды жан-жақты зерделеуге тапсырма берді. 2022 жылдың қыркүйек айына дейін тиісті ұсыныс әзірленуге тиіс. Қазіргі кезде атом электр станциясын салу мәселесі зерделеніп жатыр.
Айта кетері, Қазақстан президенті Қасым-Жомарт Тоқаев бір жылдың ішінде қауіпсіз атом энергетикасын дамыту мүмкіндігін жан-жақты зерделеп шығуды тапсырған болатын.
"2030 жылға қарай Қазақстанда электр энергияcы тапшылығы болады. Ал әлемдік тәжірибеге сәйкес, тиімді шешім бар. Ол – бейбіт атом. Иә, оңай шаруа емес. Сондықтан осы мәселені ұтымды шеше білуіміз керек, сан алуан болжам мен эмоцияға жол бермейік. Бір жыл ішінде үкімет пен "Самұрық-Қазына" елімізде қауіпсіз және экологиялық атом энергетикасын дамыту мүмкіндігін зерделеп шығуға тиіс", - деді Тоқаев жыл сайынғы жолдауда.
Осы орайда мемлекет басшысы атом энергетикасы саласында жұмыс істейтін кәсіби мамандарды даярлау мәселесіне де баса назар аударды. Онсыз бейбіт атомды дамыту қиынға соғады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
