Ерболат Досаев Алматы әкімдігі ғимаратын қалпына келтіру жұмыстары 2023 жылы Наурыз мерекесіне дейін аяқталуы тиіс екенін айтқан болатын.
ERNUR.KZ. Алматы қаласының әкімдігі орналасқан қазіргі ғимарат келер жылы қалалық мәслихатқа беріледі. Бұл туралы қалалық мәслихаттың кезектен тыс сессиясында Алматы әкімі Ерболат Досаев мәлімдеді, деп жазады ulysmedia.kz.
Ерболат Досаевтың айтуынша, Алматы әкімдігі орналасқан қазіргі ғимаратқа күрделі жөндеу жұмыстары жүргізілмек.
«Келер жылы Абылай хан мен Әйтеке би көшелерінің қиылысында Алматы қаласының әкімдігі уақытша орналасқан ғимаратқа күрделі жөндеу жүргізілуі көзделіп отыр. Осыған орай, көктемде реконструкциядан соң, тұрақты түрде орналасу үшін нысанды Алматы қаласының мәслихатына беру туралы шешім қабылдадым», - деді Ерболат Досаев.
Еске салайық, бұған дейін Ерболат Досаев Алматы әкімдігі ғимаратын қалпына келтіру жұмыстары 2023 жылы Наурыз мерекесіне дейін аяқталуы тиіс екенін айтқан болатын.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
