Осы орайда прокурор ұйымдастырушылардың кінәсі дәлелденген жағдайда ғана аты-жөні жарияланатынын ерекше атап өтті.
ERNUR.KZ. Бас прокуратураның арнайы прокурорлар қызметінің бастығы Ризабек Ожаров қаңтардағы жаппай тәртіпсіздіктер үшін кімдер жауапқа тартылғанын айтты, деп жазады Sputnik Қазақстан.
Қазіргі кезде Қылмыстық кодекстің 271-бабының 1-тармағы, яғни, жаппай тәртіпсіздіктерді ұйымдастырғаны үшін барлығы 18 адам жауапқа тартылып отыр.
"13 адамға қатысты іс сотқа жіберілді, ал 5 адамның ісі әлі тергеліп жатыр. Сотқа дейінгі тергеуге қатысты ақпаратты жариялауға болмайды. Сондықтан олардың аты-жөнін айта алмаймыз", - деді Ожаров мәжілісте өткен брифингте.
Осы орайда прокурор ұйымдастырушылардың кінәсі дәлелденген жағдайда ғана аты-жөні жарияланатынын ерекше атап өтті.
"18 адамның барлығы өзіміздің азаматтар, әр өңірдің тұрғындары. Олардың ішінде азаматтық белсенділер де, қарапайым адамдар да, лауазымды тұлғалар да бар. Лауазымды тұлғалар туралы айтсақ, ұлттық қауіпсіздік комитетіндегі қылмыстық топтардың кураторын атап өтуге болады", - деп атап көрсетті ол.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
