Ауа райының күрт өзгеруі салдарынан қазіргі уақытта «Қарағанды-Нұр-Сұлтан» және «Ботақара-Павлодар» бағытындағы автожолдар жабық тұр.
ERNUR.KZ. «Қарағанды – Осакаровка» тас жолында көліктердің жаппай соқтығысу оқиғасы болды, деп жазады ҚазАқпарат.
Апат Қарағанды облысы Осакаровка кентінің маңында болған. Оған бұрқасыннан жолдың көрінбеуі себеп болған.
13 ақпан күні сағат 15:27-де «Қарағанды-Осакаровка» тас жолында ауа райының қолайсыздығына және жолдың көрінбеуіне байланысты жол-көлік оқиғасы болды. Қазіргі уақытта оқиға орнында полиция қызметкерлері жұмыс істеуде. Оқиғаның мән-жайы анықталуда.
Айта кету керек, ауа райының күрт өзгеруі салдарынан қазіргі уақытта «Қарағанды-Нұр-Сұлтан» және «Ботақара-Павлодар» бағытындағы автожолдар жабық тұр.
