Қазақстан Республикасы Сыртқы істер министрінің бірінші орынбасары Қайрат Омаров бастаған қазақстандық делегация Қатардағы БҰҰ-ның Даму деңгейі төмен елдердің V конференциясына (LDC) қатысты.
ERNUR.KZ. Конференция барысында Қ.Омаров Қатар Мемлекетінің Сыртқы істер жөніндегі мемлекеттік министрі Сұлтан бен Саад Әл-Мурейхимен кездесті, деп жазады inbusiness.kz.
Одан бөлек Сауда және индустрия министрі – жоғары деңгейдегі Қазақстан-Катар комиссиясының тең төрағасы Шейх Мұхаммед бин Хамад Әл-Танимен екіжақты келіссөздер жүргізді.
"Тараптар Астана мен Доха арасындағы екіжақты байланыстардың, оның ішінде жоғары деңгейдегі байланыстардың айтарлықтай қарқындылығын қанағаттанушылықпен атап өтті. Атап айтқанда, сауда-экономикалық және инвестициялық ынтымақтастық салаларында тығыз Қазақстан-Катар өзара іс-қимылын одан әрі дамытудың жақсы перспективалары атап өтілді", - делінген ҚР СІМ баспасөз қызметінің хабарламасында.
Кездесу соңында қазақстандық тарап Қатар делегациясын алдағы 8-9 маусымда өтетін Астана халықаралық форумына қатысуға шақырды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
