Қазақстанда коронавирус пен пневмониядан 123 адам қайтыс болды

Қазақстанда бір тәулік ішінде 123 адам коронавирус пен ковидтік пневмониядан көз жұмды, деп хабарлайды ERNUR.KZ.

Ресми мәліметке сәйкес, коронавирустан 98 адам (КВИ+) қайтыс болса, ковидтік пневмониядан 25 науқас (КВИ-) көз жұмды.

"16 тамыздағы мәлімет бойынша 119 547 адам коронавирус инфекциясынан (–114 790 КВИ+ және 4 757 КВИ-) емделіп жүр. Олардың ішінде 31 910 пациент стационарда, 87 637 науқас амбулаториялық деңгейде ем қабылдауда", - делінген ресми хабарламада.

КВИ+, КВИ- шалдыққандар арасында:

• 1 937 адамның жағдайы ауыр;
• 507 пациенттің жағдайы өте ауыр;
• 228 науқас ӨЖЖ аппаратында жатыр.