Қазақстанда теміржол вокзалы қоршауға алынды

ERNUR.KZ. Иесіз сөмке Қостанайдағы теміржол вокзалын қоршауға алуға мәжбүрледі, деп жазады ҚазАқпарат.

Ақпаратты облыстық ПД баспасөз қызметі растады.

«Сағат 13.37-де облыс тұрғынынан вокзал маңындағы дүкеннің жанынан қара-көк түсті иесіз сөмкенің табылғаны туралы хабар келіп түсті. Мамандар тиісті шараларды жүргізу үшін вокзал аумағын қоршауға алды»,- деді облыстық ПД баспасөз хатшысы Ирина Беженарь.

Тексеру нәтижесінде сөмкенің иесі анықталды. Ішінде жеке тұтынуға арналған заттар болған.