Министр нашақорларға полиция қызметкерлері арасында орын жоқ екенін айтты.
ERNUR.KZ. Желтоқсанның 11-і күні ҚР Ішкі істер министрі Ержан Сәденов Мәжіліс кулуарында қазақстандық полицейлер нашақорлыққа тексерілетінін айтты, деп жазады zakon.kz.
Ержан Сәденов кешенді жоспар аясында құқық қорғау органдарына скринингтік тексеру енгізілгенін айтты.
"Соо арқылы құқық қорғау органдары қызметкерлерінің арасында нашақор бар-жоғын анықтаймыз. Анықталған жағдайда ондай қызметкерлерге тәртіптік шаралар қолданылады. Егер есірткі сақтағаны анықталса, қылмыстық жауапкершілікке тартылады", – деді ІІМ басшысы.
Министр нашақорларға полиция қызметкерлері арасында орын жоқ екенін айтты.
"Скрининг жүргізіп, анықтаймыз, полиция қызметкерлері арасында ондай адамдар болмауы керек", – деді Ержан Сәденов.
Сонымен бірге ол бұған дейін мектеп оқушыларын есірткіге тестілеу туралы шулы ұсыныс әлі қарастырылмағанын мәлімдеді.
"Әзірге ешқандай шешім қабылданған жоқ", – деді ІІМ басшысы.
2023 жылғы 5 қыркүйекте Қазақстан Республикасы Ішкі істер министрлігі Есірткі қылмысына қарсы күрес департаменті бастығының орынбасары Бақытжан Әмірханов мектеп оқушыларына есірткі скринингін енгізу жоспары бар екенін айтқан.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
