Бұдан басқа, 15 мың адамның шетел асқаны белгілі болды.
ERNUR.KZ. Көші-қон комитетінің төрағасы Асқарбек Ертаев елдегі қазіргі көші-қон жағдайы туралы баяндады, деп жазады inbusiness.kz.
"2023 жылы сыртқы көші-қонда оң динамика байқалды. 2023 жылғы 1 желтоқсанда көші-қон сальдосы +8,3 мың адамды құрады. Елге 23 мың адам келіп, 15 мың адам елден шықты. Көші-қон өсімі негізінен ТМД мен Қытайға тиесілі", – деді спикер.
Оның айтуынша, білім деңгейі бойынша да оң сальдо байқалады.
Көші-қон комитетінің төрағасы былтыр ел ішінде қоныс аударушылардың саны 2022 жылдың сәйкес кезеңімен салыстырғанда, 26%-ға өскенін айтты.
"2023 жылғы қаңтар-қыркүйек аралығында ішкі көші-қонға 733 мың адам, оның ішінде 338 мыңы облысаралық қоныс аударуға қатысты. Мегаполистер ішкі мигранттарды тарту орталықтары болып қала береді. Мәселен, Астанаға – 74 мыңнан астам адам, Алматыға – 67 мың адам, Шымкентке 30 мың адам тұрақты тұруға келді", – деп қосты Асқарбек Ертаев.
Айта кету керек, осыған дейін "Ата жолы" картасын 44 этникалық қазаққа берілгенін жазған болатынбыз.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
