Халық банктің табысы 173,3 млрд теңгеге жетті

Халық банкі 2017 жылдағы жұмыстары бойынша есеп берді. Банктің өткен жылғы табысы 32 пайызға өсіп, 173,3 млрд теңгеге жетті деп жазады Ernur.kz тілшісі zhasalash.kz сайтына сілтеме жасап.

Халық банктің таза табысы 2016 жылы 131,4 млрд теңгені құраған. Қазкоммерцбанкпен бірігуінің арқасында Халық банк активтері 65,6 пайызға өскен.

Пайыздық кіріс көлемі 2016 жылмен салыстырғанда 52 пайызға артса, пайыздық шығындардың көрсеткіші 60,6 пайызға жетті. Ал қызмет көрсету және комиссия бойынша кіріс көлемі 51,9 пайызға өскен. Бұл көрсеткіштің артуына Қазкоммерцбанкпен бірігуі себеп дейді қаржы институтындағылар.

Еске сала кетейік, Халық банкі мен Қазкоммерцбанк 2017 жылы біріккен еді.