Халық қазақстандық топтың 20 млн. теңгеге шетелде өнер көрсетуіне наразылық танытты

ERNUR.KZ. Шығыс Қазақстан облысының бюджетінен шамамен 20 миллион теңге қазақстандық топтың Ұлыбританияда өнер көрсетуіне жұмсалмақ, деп жазады Stan.kz.

Отандық Made in KZ тобы "Ұлы дала алтыны" халықаралық конференциясы аясында Кембриджде концерт жоспарлап отыр.

Желіде таралған ақпарат халық наразылығын тудырды. Кембридждегі Made in KZ тобынан бөлек, өңір сақтар дәуірінің бірегей артефактілерін Кембриджде ұсынады. Британдықтар оларды "Тақтар ойыны" телехикаясында қолданылғандарға ұқсас деп санады.

Өңірдің мәдениет басқармасында топтың ұшу билеті 1 миллион 800 мың теңгені құрайтынын хабарлады.

Елде тұру құны 2 миллион 600 мың, ал тағы 431 мың теңгеге ПТР-тестіге кетпек. Сонымен қатар, әртістерге әрқайсысына бір миллион теңге гонорар беріледі. Сонымен қатар костюмдерге кететін шығындарды есепке алып отыр. Мәдениет басқармасының жергілікті шенеуніктері сапарды имиджді қалыптастыру мақсатында ұйымдастырылып отыр деп, ал шығынды дәйекті деп санайды.

Ал өңір тұрғындары аталған жаңалыққа өз пікірлерін алға тарта келе, облыста бұдан да маңызды проблемалар бар екенін айтты.

“Біріншіден экология, екіншіден ауру балалар. Бізде онкологияға шалдыққан қанша бала бар”, “Біздің аймақта жағдайы көңіл көншітпейтін мәдени ескерткіштер толып жатыр”, – дейді тұрғындар.

ШҚО Мәдениет басқармасында концерт Ұлыбританияда өткелі жатқандықтан қымбатқа түсіп отырғанын айтты.

“Концерт ТМД елдерінде емес, беделді елдердің бірінде қызмет құны қымбат және оны Ұлыбританияның ақшасына шығарғанда барлығы өз орнына келеді”, – деді басқармада.