Кірістер комитеті қазақстандықтарға көлік салығы бойынша ескерту жасады

ERNUR.KZ. Мемлекеттік кірістер комитеті 2022 жылға арналған көлік салығын төлеу 2023 жылдың 1 сәуіріне дейін кешіктірілмеуі керек екенін еске салды деп жазады Stan.kz.

Комитет көлік құралдарына салынатын салық сомасын kgd.gov.kz веб-порталындағы калькулятор немесе e-Salyq Azamat мобильді қосымшасының көмегімен есептеуге болатынын жеткізді.

Есептелген сомалар наурыз айында "Каспи банк" АҚ мобильді қосымшасын пайдаланушыларға PUSH хабарлама түрінде жіберіледі.

Сондай-ақ салық сомаларын e-Salyq Azamat мобильді қосымшасының "Электрондық қызметтер" → "Жеке және жеке тұлғаларға алдағы төлемдер қызметі" сервисінен немесе "Каспи банк” АҚ мобильді қосымшасынан білуге болады.