Көкшетау университетінде қоңыраудың орнына Иманбектің ремиксі ойнайды

ERNUR.KZ. Көкшетаудағы Уәлиханов университетінде (Ualikhanov University) қоңыраудың орнына Иманбек Зейкеновтің Rose’s туындысына жасаған ремиксі ойнатылуда. Бұл туралы университет проректоры Ғалым Байтүк айтты, деп жазады Stan.kz.

"Біздің креатив. Ualikhanov University-де жаңа қоңырау. Шоқан Уәлиханов атындағы Көкшетау университетінің студенттік парламенті Грэмми сыйлығының лауреаты (соңғысы емес деп сенеміз) – Иманбекті қолдау туралы шешім шығарды. Rose's туындысы студенттерді сабаққа және үзіліске шақырады. Иманбек талантының танылуына қарсы болмайды деп үміттенемін", – дейді проректор.