Мектеп бухгалтері 5,6 миллион теңге бюджет қаражатын жымқырғаны анықталды. Сыбайлас жемқорлыққа қарсы іс-қимыл агенттігі қылмыстық іс қозғады.
ERNUR.KZ. Көкшетаудағы мектептердің бірінде бас бухгалтер болып қызмет атқарған әйел өзіне бес миллион теңгені жалақы ретінде аударған, деп жазады sputniknews.kz.
№4 орта мектептің бухгалтері 5,6 миллион теңгені (11 500 доллар) өзіне жалақы ретінде заңсыз аударған. Бұл факті білім мекемесіне аудит жүргізу кезінде анықталды.
"Сарапшылар 5 миллион 605 мың теңге көлеміндегі қаражатты жымқыру фактісін анықтады. Бұл сома мемлекет бюджетіне қайтарылуға тиіс", - деп жазылған ақпаратта.
Анықталғандай, бас бухгалтер жалақыны есептеу кезінде жұмыс өтілі жоғары қызметкерге арналған жоғары коэффициентті қолданған.
Жүргізілген аудит материалдары Қазақстан Республикасының сыбайлас жемқорлыққа қарсы іс-қимыл агенттігінің Ақмола облысы бойынша департаментіне жолданды. Аталған ведомство күдіктіге қылмыстық іс қозғады. Қазір 499 мың теңге (1100 доллар) бюджетке қайтарылды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
