Қонаевтағы ірі монша өртеніп кетті

Оқиға 8 желтоқсанға қараған түні сағат 1:31-де болған. Қонаев –Алматы тасжолының бойында орналасқан "Макао" ойынханасының аумағындағы моншадан өрт шыққан.

Тілсіз жау жалпы аумағы 276 шаршы метрді қамтыды.

"Өрт сөндірушілер оқиға орнына келгенде моншаның өртеніп жатқаны және оның іші ағаштан жасалғаны анықталды",- дейді Алматы облыстық ТЖД баспасөз қызметі.

Қызыл жалын 02.52-де ауыздықталып, 04.50-де толығымен сөндірілді. Зардап шеккендер мен қаза тапқандар жоқ.

Қазіргі таңда моншаның не себепті өртенгені анықталып жатыр.