Манипуляция: «COVID-19 қарсы вакцинациядан төрт ұшқыш қайтыс болды»

иллюстрациялық фото: ашық дереккөзден

ERNUR.KZ. Қазнет пайдаланушылары ұшу кезінде британдық British Airways әуе компаниясының төрт ұшқышының қайтыс боғланы туралы жаңалықты таратуда. Олардың барлығы COVID-19 қарсы вакцина салдырған және соның салдарынан көз жұмған, бұл жалған, деп жазады stopfake.kz.

Бұл теорияның дәлелі ретінде пайдаланушылар Twitter-дегі хабарламаның скриншотын ұсынады. Онда әуе компаниясының ресми өкілдері қызметкерлердің қайтыс болғанын растайды. Бірақ бұл хабарлама контекстен үзіп алынған.

Шын мәнінде, бұл твит пайдаланушылардың бірі жариялаған аудио жазбаға жауап болған, онда ер адам өзінің танысы – British Airways ұшқышы оған егілген әріптестерінің ауада жаппай өліп жатқанын және компания басшылығы СOVID-19-ға қарсы вакцинацияланған адамдарға ұшуға тыйым салу туралы шұғыл дағдарыстық келіссөздер жүргізуде деп айтқан.

«Өкінішке орай, жақында біздің пилоттық қоғамдастықтың төрт мүшесі қайтыс болды. Олардың отбасыларымен, достарымен бірге қайғырамыз. Алайда, әлеуметтік желілерде айтылғандай төрт өлімнің бір-бірімен байланысы бар деген пікірлер шындыққа жанаспайды», – делінген British Airways Twitter-дегі толық жауабында.

Дәрігерлердің айтуынша, ауру жалпы денсаулығына және көптеген ішкі органдары қатты әсер еткенін айтады. Ұшқыштың қайтыс болғанға дейін егілгені туралы хабарланған жоқ.

British Airways әкімшілігі өлімдер арасындағы байланысты және компания вакцинацияланған ұшқыштарды рейстерге жіберуден қорқатындығын жоққа шығарды.

Ұлыбританияның дәрі-дәрмек пен медициналық мақсаттағы бұйымдарды реттеу агенттігі (MHRA) де вакцинацияланған ұшқыштарға ұшуға тыйым салу туралы шұғыл келіссөздер жүргізіліп жатқандығы туралы қауесетті растаған жоқ.

«Біз British Airways ұшқыштарының COVID-19 қарсы вакцинациядан кейін қайтыс болғаны туралы білген жоқпыз және BA немесе басқа әуе компанияларымен COVID-19 қарсы вакцинациядан кейін ұшқыштардың ұшуына қалай тыйым салу керектігі туралы мәселені талқыламадық», – деді ведомство өкілдері Reuters басылымына.

Сондай-ақ, компания да, басқа шенеуніктер де барлық ұшқыштардың әуеде қайтыс болғаны жайлы ешқашан айтқан емес.

Осылайша, British Airways қызметкерлерінің вакцинация салдарынан қайтыс болғаны туралы хабарламалар манипуляция болып табылады. Компанияның төрт ұшқышының көз жұмғаны рас, бірақ олардың өлімінің себептері мен вакцинация мәртебелері жайлы айтылған жоқ. Марқұмдардың бірі СOVID-19 өте ауыр түрде ауырғаны белгілі.

Вакцинацияланған адамдарға ұшақпен ұшу қауіпті екендігі туралы жалған хабарламалар бұған дейін да тараған. Біз қорқуға негіз жоқ екендігі туралы жазған болатынбыз.