Министрлік оқу жылын ұзартуға қатысты пікір білдірді

14.02.2022 13:39

505

Бұған дейін Binom мектептерінің құрылтайшысы Айдын Рахымбаев аталмыш білім ордаларында оқу жылын 34 аптадан 38-ге ұзарту туралы бастама көтерген болатын.

ERNUR.KZ. Білім және ғылым министрлігі оқу жылын ұзарту туралы ұсынысқа қатысты пікір білдірді, деп жазады sputnik.kz.

"Барлық білім беру ұйымдары меншік нысанына қарамастан мемлекеттік жалпыға міндетті стандартты сақтауға міндетті. Жаңа жобаларды енгізу кезінде дәлелдемелер және алдын ала талқылаумен бекітілген ғылыми тәсіл маңызды деп санаймыз. Білім және ғылым министрлігі үшін оқушылар мен студенттердің мүдделері бірінші кезекте тұрады", - делінген хабарламада.

Оның айтуынша, Binom мектептерінің мұғалімдері білім беру жүйесін және алдыңғы қатарлы елдерден артта қалу себебін қайта қарастырып жатыр. Ол Қытай мен Кореяда оқушылардың оқуы 42 аптаға, Сингапурда 39 аптаға созылатынын түсіндірді. Ал Қазақстанда - 34 апта. Яғни, Кореяда оқушылар демалысы 70 күнге созылса, қазақстандық оқушылар 120 күн демалады.

"Осылайша біз жыл сайын оқудың 1-1,5 айын жоғалтамыз. Сонымен қатар, америкалық ғалымдардың зерттеулеріне сәйкес, балалар ұзақ жазғы демалыс салдарынан өткен барлық материалдың 25%-ін ұмытып қалады. Сондықтан біз оқу жылын кем дегенде 38 аптаға дейін ұзартуды ұсындық. Білім министрлігі бұл бастаманы қолдап, регламент келісіліп жатыр. Биыл Binom мектептерінде пилотты бастаймыз", - деп жазды Рахымбаев.

Сондай-ақ, бизнесмен үздік халықаралық тәжірибеге сәйкес балалардың материалды игеруін жеңілдету үшін пәндер санын азайту керек деп жазды.

Рахымбаев премьер-министр каникулды қысқарту бойынша Binom мектептерінде пилоттық жобаны жедел іске қосуды тапсырғанын хабарлады. Ол сәтті жүзеге асырылған жағдайда жоба елдің басқа мектептерінде де қолға алынады.