Оралда әйел аутизммен ауыратын баласын аттракционға отырғызбай қойғаны үшін 500 мың теңге өндіріп алды

ERNUR.KZ. Батыс Қазақстан облысында сөйлеу тілі кешігіп, аутизм спектрі бұзылған 10 жасар баланың анасы “Лесной экспресс” саябағына қатысты істе жеңіп шықты, деп жазады Stan.kz.

Жанжал 2023 жылдың шілдесінде Оралдағы "Лесной экспресс" ойын-сауық саябағы баланы аттракциондардың біріне отыруға рұқсат бермеген кезде туындаған. Анасы өз арызында саябақтың бұл әрекеті баласының тең мүмкіндіктерге ие құқығын бұзатынын, ұлы басқа қалаларда осындай аттракциондарға отыра алатынын алға тартты.

Сонымен қатар ол “Аттракционды пайдалану ережелеріндегі” нақты ережені заңсыз деп тануды талап етті.

Психиатр баланың физикалық денсаулығын растап, аттракциондарға баруға медициналық қарсы көрсетілімдер жоқ екенін айтты. Психологтар мұндай ойын-сауықтың баланың дамуына оң әсер ететінін атап өтті.

Сот өз шешімімен нормалардың даулы тұстарын заң нормаларына сәйкестендіріп, талап арызды ішінара қанағаттандырды. Сонымен қатар ол баланың анасына 500 мың теңге көлемінде моральдық шығын өтемақы тағайындады. Жауапкер сот шешіміне шағымдану құқығын сақтап қалды.