Оралда қалалық саябақтағы аттракционнан 8 бала құлап кетті

иллюстрациялық фото

ERNUR.KZ. Оралда қалалық мәдениет және демалыс саябағындағы аттракционда әткеншектен сегіз бала құлап кетті, деп жазады ҚазАқпарат.

БҚО денсаулық сақтау басқармасының баспасөз қызметі мәлім еткеніндей, оқиға 2 мамыр күні кешкісін болды.

«Жедел жәрдем сағат 19.36-да шақырылды. Барлығы 8 бала зардап шекті. Алдын ала мәліметке қарағанда, 2014 жылғы қыз баланың денесі, жіліншігі көгерген. 2016, 2013, 2011 және 2012 жылғы екі ұл, сондай-ақ 2012, 2013 жылғы қыз балалар жабық бас-ми жарақатын алып, милары шайқалған. Оған қоса 2011 жылғы ұл баланың жіліншігі сынған. Бәрі де облыстық көпбейінді балалар ауруханасына жеткізілді. Қазіргі кезде оқиғаның жай-жапсары анықталып жатыр», - деп хабарлады ведомстводан.

Еске сала кетейік, бұдан бұрын Оралда 6 жасар қыз баланың токка түсіп, көз жұмғанын жазған болатынбыз.