Оралда тренажер сымына оралып қалған бала жансақтау бөліміне түсті

0
560

2012 жылы туған бала тұншығу диагнозымен қалалық көпбейінді ауруханаға жатқызылды.


Оралда тренажер сымына оралып қалған бала жансақтау бөліміне түсті
ERNUR.KZ. Оралда 9 жасар бала балалар алаңында тренажер сымына оралып қалып, тұншыққан, деп жазады ҚазАқпарат.

БҚО Полиция департаменті баспасөз қызметінен түскен мәліметке қарағанда, оқиға 25 қыркүйек күні У.Громова көшесі бойындағы аулалардың бірінде болды.

2012 жылы туған бала абайсызда құлап кетіп, темір тренажердің бірінің сымына оралып қалған.

Ол тұншығу диагнозымен қалалық көпбейінді ауруханаға жатқызылды.

БҚО Денсаулық сақтау басқармасының баспасөз хатшысы Айнагүл Сақпосынованың нақтылауынша, жансақтау бөлімінде жатқан бала – ес-түссіз күйде. Жағдайы өте ауыр.

Полиция департаменті ата-аналарға балаларын қараусыз қалдырмауды ескертеді.

Еске салайық, бұдан бұрын Оралда 3 жасар қыз бесінші қабаттағы терезеден құлап кеткенін жазған болатынбыз.