Өткен жылы 54,8 мың жұп ажырасыпты

ERNUR.KZ 2018 жылы елімізде АХАТ органдарына 137,8 мың неке тіркеліпті. 2017 жылмен салыстырғанда некеге тұрғандар саны 2,8% -ға азайған, деп хабарлайды ҰЭМ статистика комитеті, деп жазады inbusiness.kz.

Өткен жылы 54,8 мың жұп ажырасыпты.

Жалпы өткен жылы ажырасқандардың 27,1 пайызын үйленгендеріне 5-9 жыл болғандар құрапты. Ал 23,5 пайызын жұп құрғанынан 2-4 жыл болғандар, 7,5 пайызын неке қиғаннан кейін ұзамай екіге кеткендер құраған. Некесіне жыл толмай ажырасқандар үлесі – 5,3 пайыз.

Некесіне 10 жылдан асқан тұлғалар арасында ажырасудың жалпы деңгейі – 36,6%.

Некесін бұзғандардың ең жоғарғы көрсеткіші Павлодар облысында байқалды, онда ажырасудың жалпы коэффициенті 1000 тұрғынға 4,19 есе, ал ең төменгі Түркістан облысында 1000 тұрғынға шаққанда 1,59 құрады.