Орманшы қорғауға алынған аумақтағы тал тұқымды ағаштарды отап тастаған.
ERNUR.KZ. Ертіс ауданында орманшы заңсыз 8,5 млн теңгенің ағашын кескен. Күдікті қылмысты ақпан-наурыз айларында жасаған, деп жазады Pavlodarnews.kz.
Бұл туралы облыстық полиция департаментінің баспасөз қызметі мәлім етті.
«Ертіс аудандық полиция бөлімінің қызметкерлері жедел-іздестіру іс-шараларын жүргізу кезінде Ертіс өзені жайылмасының қорғалатын аумағында тал тұқымды ағаштарды заңсыз кескен деген күдікпен облыс орманшылықтарының бірінің орманшысын ұстады. Ол қылмысты 2020 жылғы ақпан-наурыз аралығында жасаған деп болжануда. Шығын шамамен 8,5 миллион теңгені құрады», - деді баспасөз қызметінде.
Аталған фактіге қатысты ҚР ҚК 340-бабы бойынша сотқа дейінгі тергеу амалдары жүргізілуде.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
