Шілденің аяғында Павлодар - Семей тасжолында жол талғамайтын көліктің мас жүргізушісі апатқа ұшырап, 71 жастағы ер адам қаза тауып, тағы екі адам, оның ішінде 12 жастағы бала зардап шеккен.
ERNUR.KZ. Павлодар - Семей тасжолында жол апаты болып, бір адам қаза тауып, тағы екеуі ауруханаға түсті. ІІМ жол талғамайтын көлік тізгінінде жоғары лауазымды полиция офицері болғанын растады, деп жазады tengrinews.kz.
Бұл полицей бұған дейін мемлекеттік мекемелерді күзету жөніндегі мамандандырылған қызметтің басшысы қызметін атқарған.
"ЖКО жасады деген күдіктіге қатысты қылмыстық іс қозғалды. Ол қамауға алынды. Қызметтік тергеу нәтижелері бойынша, ІІМ бұйрығымен қызметкер теріс себептермен ішкі істер органдарынан босатылды", - деп хабарлады министрлік.
Еске салайық, шілденің аяғында Павлодар - Семей тасжолында жол талғамайтын көліктің мас жүргізушісі апатқа ұшырап, 71 жастағы ер адам қаза тауып, тағы екі адам, оның ішінде 12 жастағы бала зардап шеккен. Марқұмның жұбайы жол талғамайтын көліктің рульінде астаналық жоғары дәрежелі полиция қызметкері болғанын айтты.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
