Павлодарда екі көшенің қиылысында ыстық су пайда болды

ERNUR.KZ. Ыстық судың жайылуына кәріз ағындарды айдайтын сорғының істен шығуы себеп болған, деп жазады inbusiness.kz.

Қалалық әкімдікте хабарлағандай, төтенше жағдай Теплов және 1 Мамыр көшелерінің қиылысында орын алған.

«2019 жылдың 14 қарашасында сағат 21.00 шамасында ауа райының қолайсыздығына байланысты кәріз ағындарын айдайтын бір сорғы тоқтап қалды. Кәрізден су жердің бетіне шыққан» – деп хабарлады қалалық әкімдікте.

Кәріз коллекторын қайта жаңартып жатқан «ҚазСтройСервис 7» ЖШС мердігерлік ұйымы тіректі алып тастау бойынша іс-шараларды орындады. Әкімдікте аталған учаскеде су бұру штаттық режимде жүргізілетінін айтады.