ПТР анықтамасы болмаған екі шетелдік Қазақстаннан депортацияланды

ERNUR.KZ. Көліктегі бас мемлекеттік санитар дәрігер Сәдуақас Байғабылов екі шетелдіктің ПТР анықтамасы болмағандықтан Қазақстаннан депортацияланғанын айтты, деп жазады Tengrinews.kz.

"Ағымдағы жылдың 7 қазанында Минск - Нұр-Сұлтан әуе рейсімен келген екі шетелдік азамат депортацияланды. Түркия азаматында ПТР-талдау туралы анықтама 1 қазанда, ал Беларусь азаматында - экспресс-тесттен өткені туралы ғана анықтама болды", - деді Байғабылов.

Еске салайық, мұның алдында Нұр-Сұлтанға оралған 123 жолаушының стационарға жатқызылғаны хабарланған еді.