Риддерде саңырауқұлақ теруге шыққан адам адасып кетті

ERNUR.KZ. Зардап шегуші өздігінен қозғала алмады. Адасып қалған адамның айтуынша, ол топтан қалып қойып, батпақты жерге түсіп кеткен, аяқ киімін де жоғалтқан, деп жазады inbusiness.kz.

Ол суық орманда түнеп шықты, аяғы қатты тоңып, жүре алмай қалған, сондықтан өздігінен әрі қарай қозғалу мүмкін болмады. Оқиға қаладан 23 шақырым жерде болды.

Құтқарушылар ер адамға таудан түсіп, қалаға жетуіне көмектесті. Дәрігерлер тексергеннен кейін ер адам ауруханаға жатқызудан бас тартты.

Құтқарушылар орманға, тауға барар алдында жақындарыңызға немесе достарыңызға қайда бара жатқаныңызды және қанша уақыт жүретініңіз туралы хабарлауға кеңес береді. Бұл кез-келген құрамдағы кез-келген жорыққа қатысты қолданылатын негізгі ережелердің бірі. Егер сіз белгіленген уақытқа оралмасаңыз, сізді міндетті түрде іздей бастайды.
Орманға бара жатқанда, өзіңізбен бірге ең қажетті заттарды алып жүруді ұмытпаңыз, атап айтқанда: компас, пышақ, сіріңке, тұз, зарядталған ұялы телефон, кішкене азық-түлік рационы, жеңіл қосалқы киім. Жаңбыр жауған жағдайда дымқыл тартпасы үшін сіріңке мен киімдерді полиэтиленге салыңыз.
Егер сіз адасып қалсаңыз 101 немесе 112 құтқару телефонына хабарлаңыз, делінген ТЖМ хабарламасында.