Сағадиев түркістандық мұғалімдердің дипломына күмән келтірді

фото:Tengrinews.kz

ERNUR.KZ. ҚР Білім және ғылым министрлігі Түркістан облысының мұғалімдерінің дипломдарының түпнұсқалылығына күмән келтірді, - деп жазады Tengrinews.kz.

БҒМ өкілдері Түркістан облысының білім беру саласындағы кәсіби маманның біліктілігі жеткіліксіздігі туралы айтты. Мұндай мәліметті ведомствоның баспасөз қызметі жариялады.

"Мұғалімдердің құжаттарын тексеру барысында кейбір педагогтардың білім алғаны туралы дипломдарының түпнұсқалылығы күмәнді деген қорытындыға келдік. Өзбекстанда білім алған ұстаздар бар, олар нострификациядан өтпеген, сол себепті олар еліміздегі мектептерде сабақ бере алмайды", - делінген Білім және ғылым министрлігінің хабарламасында.

Сонымен қатар, Білім министрлігі өңірдегі мұғалімдердің алатын жалақысы жайлы, квалификациясын деңгейін жоғарылату мәселелерін қарастырды.