Семейдің әкімі қаланы велосипедпен аралап жүр

ERNUR.KZ. Семей әкімі қала көшелерін велосипедпен аралап жүр, деп жазады altaynews.kz.

Жұмыс уақытын таңғы 6:00-ден бастаған Ермак Сәлімов орынбасарлары мен әкімдіктегі бөлім басшыларын жинап Юность ауданына барып қайтты.

Қала көшелерін шарлаған әкім, тұрғындармен жолығып арыз-тілектерін тыңдады. Қоқыс шығару мәселесі ушығып тұрған аудандарды суретке түсірді. Әкімнің айтуынша, бір сағаттың ішінде көптеген мәселелерді көруге болады.

Әлеуметтік желілерде қызу талқыға түскен әкімнің әрекеті жұртшылықты сүйсіндірді.