"СҚ-Фармацияның" бұрынғы басшысы Берік Шәріп сотта соңғы сөзін айтты

ERNUR.KZ. "СҚ-Фармацияның" бұрынғы басшысы Берік Шәріп сотта соңғы сөзін айтты. Іс бойынша 4 тамызда үкім шығады, деп жазады Tengrinews.kz.

Сотта Шәріп кінәсіз екенін айтты. Редакция Берік Шәріптің сөздерінен үзінді жариялайды.

"Мені тұтқындаған кезде, көбі дәріханаларда дәрі-дәрмек тапшылығы, гуманитарлық көмекті жымқырды деп айыпталды деп ойлады. Алайда "СҚ-фармацияда" жеке дәріханаларға жеткізу өкілеттігі жоқ екенін білеміз. Мұндай өкілеттіктер мен жұмыстан босатылғаннан кейін бірыңғай дистрибьюторға берілді. Гуманитарлық көмек бойынша соталды тергеу органы бәрін тексерді, "СҚ-фармацияда" бәрі толығымен өңірлерге жеткізілді. Тергеу барысында 11,5 айдан аса уақыт түрмеде отырдым", - деді Шәріп.

Шәріп медицина қызметкерлеріне арналған қорғаныс костюмдеріне тапсырыс беру кезінде жеткізуші Inkar ЖШС-ны еш кедергісіз таңдады деп айыпталды. Айыптау нұсқасы бойынша, ЖШС костюмдерді белгіленген мерзімде жеткізбеу қаупі жоғары болған. Нәтижесінде ЖШС өз міндеттемелерін орындамады және 30 сәуірде "СҚ-Фармация" компаниямен шартты біржақты тәртіппен бұзған.

"2020 жылғы 27 қаңтарда Мемлекеттік комиссия мен ВАК премьер-министр Асқар Маминнің қатысуымен нақты тапсырмалар берді. Қысқа мерзімде медициналық ұйымдарды қажетті дәрі-дәрмектермен, медициналық бұйымдармен және қорғаныс құралдарымен қамтамасыз ету қажет болды. Үкімет тарапынан резервтен қаржы бөлінді. Сондай-ақ, әкімдіктер жергілікті атқарушы орган бюджетінен жергілікті жерлерге ақша бөлді", - деп түсіндірді Берік Шәріп.

2020 жылдың ақпанында "СҚ-Фармация" осындай жағдайда сатып алынуы керек 19-тарау тәртібіндегі заттарды алуды бастаған. Бұл тарау іс жүзінде алғаш рет қолданылды және Шәріптің айтуынша, онда көптеген олқылық болған. Сатып алу рәсімінің өзін регламенттеу болмаған. Шәріп Әділет министрлігі де, Денсаулық сақтау министрлігі де тараудың нормаларын түсіндіре алмағанын, ондағы олқылықтар 2021 жылғы 4 маусымдағы жаңа редакциядағы сатып алу қағидалары қабылданғаннан кейін ғана жойылғанын айтты.

"Қорғаныс костюмдері бойынша: 2020 жылғы 13 ақпан мен 20 наурыз аралығында 19-тарау шеңберінде шақырулар мен сатып алу нәтижелерінің қорытындыларын "СҚ-Фармация" интернет-ресурсына орналастыру арқылы ерекше сатып алуды қолданды. Осы уақыт ішінде екі кезеңдік тендерлерге ұқсас бес шақыру орналастырылды. Бұл ретте алғашқы төрт жағдайда ұсыныстардың болмауына байланысты сатып алу өткізілмеді. (...) Сонымен қатар, қорғаныс костюмдеріне техникалық сипаттама, оның құрамдас бөліктерін әртүрлі өндіруші шығаратыны сатып алуды қиындатты, сондай-ақ жеткізу мерзімін ұзартты", - деді сотталушы.

Оның айтуынша, осыдан кейін ол жеткізушілермен келіссөздер жүргізу арқылы сатып алуды жүргізу немесе қорғаныс костюмдерінің техникалық ерекшелігін өзгерту бойынша ұсыныс енгізуді ұйғарған.

Прокурор Шәріпті қорғаныс костюмдерінің техникалық сипаттамасын "Инкар" ЖШС-нің қорғаныш костюмдеріне сәйкес етіп өзгертті деп айыптады. Шәріп бұл ұсынысты әлеуетті өнім беруші "Инкар" ЖШС ұсынбастан бұрын жасағанын түсіндірді. Сондай-ақ, ол уәкілетті орган оның екі шешімін де қолдайтынын айтты.

"Сатып алынатын өнімдердің саны анықталды - екі миллион қорғаныс костюмі. Мен қорғаныс костюмдерін сатып алуға бұрын қатысқан барлық жеткізушілерді шақыруды тапсырдым, ал коммерциялық ұсыныстары кейінірек қабылдадық. Келіссөздердің өзі бейнежазбаға жазылды. Жеткізушілерге ұсынылған костюмдердің медициналық бұйымдар екенін растау тұрғысынан тең талаптар қойылды.
Келіссөздердің нәтижесі бойынша "Инкар" ЖШС жеңімпаз болып анықталды. Олардың өнімі талапқа сай болды және олар ең төмен баға ұсынды. Келісімшарт 5 сәуірде жасалды, жеткізуші 10 сәуірде бір реттік импортқа рұқсат алды", - деді Берік Шәріп.

2020 жылғы 3 сәуірде Қазақстан СІМ Денсаулық сақтау министрлігіне қорғаныс костюмдерін көп мөлшерде жібере алатын екі қытайлық компания - "Синофарм" және "Чайна Мехико" туралы деректерді ұсынды. Айыптау мәліметі бойынша, Шәріп бұл компаниялар туралы білетін, бірақ Inkar ЖШС-ге артық мүмкіндік берген. Прокурор Шәріптің шешімінде қылмыстық ниет болғанын айтты.

"Сыртқы істер министрлігі ұсынған "Синофарм" және "Чайна Мехико" шетелдік жеткізушілері жеткілікті көлемде ұсынбағанын атап өткім келеді. 300 мың және 500 мың, сәйкесінше екі миллион қажет. Және олар қытай шекарасына дейін "Қорғасқа" жеткізу туралы айтпағанда, бірде-бір сертификат ұсынған жоқ. Бағалар екі есе жоғары. Сонымен қатар, бұл жеткізушілер тек аяқ киімдері бар комбинезондарды жеткізуді ұсынды (Inkar ЖШС сияқты. - ескерт.) ",- деп түсіндірді Шәріп.

Кейіннен уақтылы жеткізу бойынша міндеттеменің орындалмауына байланысты Inkar ЖШС-мен шарт біржақты тәртіппен бұзылды. Алдын ала төленген сома қайтарылды.

Шәріп 1 сәуірде төртінші резервтен қаражат жергілікті атқарушы органдардың есепшотына аударылғанын және барлығының қорғаныш костюмдерін өз бетінше сатып алу мүмкіндігі болғанын қосты.

"Әріптестерімнің тиісті шешім қабылдамағаны өкінішті. Қаржыландыруды бөлген және сатып алулар жүргізген адамдарға қарағанда, халық денсаулығы және денсаулық сақтау жүйесі туралы кодекс бойынша әкімдіктер ТЖ кезінде медициналық көмек көрсетуді, дәрі-дәрмектермен және медициналық бұйымдармен қамтамасыз етуді ұйымдастырады және қамтамасыз етеді. Бұл олардың тікелей міндеті.
Жауап алынған куәгерлер, әріптестерім, эпидемиологтар да осындай пікір білдірді. Біз жарнамаларды механикалық түрде орналастырып, министрлік пен ВАК-қа барлық елдердің жабық екенін, тиісті ұсыныстар жоқ және сатып алу жүргізілмегенін жеткіздік. Мен шешім қабылдадым және бүкіл денсаулық сақтау саласы мен ел үшін өте қиын уақытта жауапкершілікті өз мойныма алдым, міне, 11 жарым айдан аса уақыт бойы тергеу изоляторында отырмын", - деп қорытындылады Берік Шәріп.